Gjatë ditës së sotme, kryeministri në detyrë, Avdullah Hoti ka dorëzuar detyrën tek kryeministri i ri, Albin Kurti.
Dorëzimi i detyrës u bë në mënyrë ceremoniale, ndryshe nga hera e kaluar kur Hoti u zgjodh kryeministër, pasi Albin Kurti nuk kishte pranuar që ta dorëzonte detyrën tek Hoti.
Poashtu, edhe të gjithë Ministrat e LDK-së kanë vepruar njëjtë si Hoti.
E pas të gjitha këtyre zhvillimeve, ka reaguar edhe kryetari i LDK-së, Lumir Abdixhiku.
“Falenderoj të gjithë zyrtarët e LDK-së, Kryeministrin, Ministrat, Zëvendësministrat e stafin politik që sot me dinjitet dorëzuan detyrat e tyre pasardhësve politik. Treguan klasë e respekt. LDK, me këtë kulturë dha shembull në skenën politike dhe institucionale të Kosoves. I falenderojë të gjithë, gjithashtu, për shërbim ndaj vendit në kohë aspak të lehtë”, ka shkruar Lumir Abdixhiku, përcjellë “Bota sot”.
