OVL e UÇK-së thërret konferencë për media pasi Specialja nuk ua dha dokumentet

Aktuale

OVL e UÇK-së thërret konferencë për media pasi Specialja nuk ua dha dokumentet

Më: 24 mars 2021 Në ora: 11:21
Foto ilustrim

Organizata e Veteranëve të Luftës së Ushtrisë Çlirimtare të Kosovës sot do të mbajë një konferencë për media. Kjo vjen pasi Prokuroria Speciale në Hagë nuk ua dha pajisjet e konfiskuara më 25 shtator të vitit të kaluar, në zyrat e kësaj organizate.

OVL e UÇK-së ka bërë të ditur se konferenca do të mbahet në orën 12:00.

“Ju njoftojmë se sot me datë 24.03.2021 në ora 12, në selinë qendrore të OVL UÇK-së do të mbahet konferencë për gazetarë. Jeni të mirëseardhur”, shkruan në njoftimin e OVL-së.

Tomë Gashi i cili ishte autorizuar që t’i marrë këto pajisje nga OVL e UÇK-së, tha njëri nga oficerët e EULEX-it në Fushë- Kosovë i ka thënë se nuk janë të përgatitur që sot t’ua dorëzojnë këto pajisje.

“Para dy ditësh jemi njoftuar nga Prokuroria Speciale që ditën e sotme të vij unë si përfaqësues i OVL-UÇK-së apo z.Faton Klinaku. Kam ardhur këtu me kërkesë të shkruar por kanë vendosur që të mos na i japin pajisjet. Unë besoj që mosdhënia e pajisjeve edhe pse ishte kërkesë e tyre që ne të vinim. Ne kërkuam që të na japin një raport se çfarë është gjetur në ato pajisje që janë konfiskuar më 25 shtator të vitit të kaluar”, ka deklaruar Gashi.

commentFirst article
Sot mund të lexoni Shfletoni kopertinat