Analistja Donika Emini komentoi në Euronews Albania prononcimin e LDK-së për zgjedhjen e presidentit në Kosovë.
Sipas saj, vendimi i Lumir Abdixhikut tregoi një pjekuri dhe kulturë politike.
“Është problematike bindja e tre deputetëve që kanë pozicion të paqartë ose refuzues në raport me zonjën Osmani”, u shpreh analistja.
Ajo shtoi më tej se Lumir Abdixhiku “mbështeti një stabilitet të brendshëm politik në Kosovë dhe se nuk e bëri Vetëvendosja sa ishte në opozitë”.
Lidhja Demokratike e Kosovës vendosi të marrë pjesë në Parlament në seancën që do të zgjidhet Presidenti i Kosovës.
Lajmi u bë i ditur nga kryetari i LDK-së, Lumir Abdixhiku pas takimit me deputetët e partisë së tij.
Ky i fundit theksoi se ky është vendimi i Kryesisë së LDK-së, i votuar me shumicë absolute, duke shtuar se ai pret që 15 deputetët e partisë të tij, të respektojnë këtë vendim.