Me urdhër të Prokurorisë Speciale ngrihen 700 mijë euro të “Call center” në Kosovë

Aktuale

Me urdhër të Prokurorisë Speciale ngrihen 700 mijë euro të “Call center” në Kosovë

Më: 1 prill 2021 Në ora: 18:33
Policia e Kosovës

Aksioni i Prokurorisë Speciale të Republikës së Kosovës, i nisur një ditë më parë në “Call center” në 17 lokacione të ndryshme në Prishtinë dhe Ferizaj, ka vazhduar edhe sot.

Prokuroria Speciale njofton se gjatë ditës së sotme janë ngrirë shtatëqindmijë (700.000) euro.

Ato dyshohet se janë përfituar nga veprimtaritë e “Call center” në mënyrë të kundërligjshme, lidhur me veprat penale të “Mashtrimit” dhe “Krimit të organizuar”.

Deri më tani nga ky operacion janë ngrirë shtatëqindmijë (700.000) euro, janë sekuestruar njëqindegjashtëdhjetëmijë (160.000) euro, gjashtë (6) vetura, janë arrestuar tetëmbëdhjetë (18) persona, si dhe një numër i konsiderueshëm i kompjuterëve, serverëve dhe telefonave mobil e të cilët janë shfrytëzuar për kryerjen e veprave penale.

Shfaq komentet
comments powered by Disqus
Sot mund të lexoni Shfletoni kopertinat