Sot u mbajt seanca e Kuvendit të Kosovës, ku u betuan edhe disa deputet të rinj.
Njëri prej tyre është edhe Enver Dugolli nga Lëvizja Vetëvendosje.
Ai tregon se sot 40 vjet me parë, ishte në rrugët e Drenasit duke iu prirë demonstratave më të mëdha të asaj kohe.
Sipas tij, ai moment shënonte fillimin e rrugëtimit të tij politik.
Postimi i plotë:
Para 40 viteve, mesdita e 2 prillit 1981 më gjeti në rrugët e Drenasit duke iu prirë demonstratave më të mëdha të asaj kohe, ky moment shënonte fillimin e rrugëtimit tim politik e atdhetar.
Kërkesa kryesore që brohorisnim ishte: Duam Kosovën Republikë!
Sot, më 2 prill 2021 (gjithashtu mesditë) ishte një moment shumë i rëndësishëm dhe i veçantë për mua. Falë votës suaj të dashur qytetarë m'u dha mundësia e dhënies së betimit në Parlamentin e Republikës së Kosovës.
Duke ju falënderuar të gjithëve juve që më besuat, ju siguroj se do jem zëri juaj dhe nuk do ju zhgënjej asnjëherë!
