Misteri i muajit prill dhe fati i presidentëve të Kosovës

Aktuale

Misteri i muajit prill dhe fati i presidentëve të Kosovës

Më: 2 prill 2021 Në ora: 16:04
Kuvendi i Kosovës

Jetlir Zyberaj, njëri ndër personat më të afërt të Behxhet Pacolli përmes një shkrimi në Facebook ka bërë një reagim tashmë kur po pritet që vetëm të caktohet ora e sakt për mbajtjen e seancës për votimin e presidentit.

Zyberaj thotë se dhjetë vite më parë Gjykata Kushtetuese e kishte rrëzuar Pacollin nga pozita e presidentit pas ankesës së Lidhjes Demokratike të Kosovës që u hartua me ndihmën e Vjosa Osmanit, e cila tashmë po kërkon votat për t’u bërë shefe e shtetit.

Ai thotë se një veprim i tillë i LDK’së dhe Vjosa Osmanit ishte joprofesional, jopolitik dhe dashakeqës.

Reagimi i plotë:

Pikërisht në këtë kohë, para 10 vjetësh, në bazë të një vendimi të Gjykates Kushtetuese, Presidenti Pacolli u largua zyra e Presidentit të Kosovës.

Ishte VV, LDK dhe AAK që lëshuan sallën bashkë me keqorganizimin e qëllimshëm të seancës nga kryetari i Kuvendit atë kohë, që u mor si shkas i atij vendimi.

LDK bashkë me kontributin ligjor të Znj.Vjosa Osmani e derguan në Gjykatë. Sjellja e tyre ishte joprofesionale, jopolitike dhe dashakeqëse.

Një vendim i tillë, për mua absurd, (gjyqtarët ndërkombëtar atë kohë votuan kundër) e ka futur vendin tonë, demokracinë tonë të re në një qorrsokak pa asnjë lidhje.

commentFirst article
Sot mund të lexoni Shfletoni kopertinat