Lidhur me zgjedhjet ka reaguar edhe gazetari Adriatik Kelmendi, i cili përmes një postimi në Facebook, ka thënë se në zgjedhje shkojmë sërish, vetëm nëse i shihni qytetarët si numra apo makina votuese.
Tutje ka shkruar se nëse i respektoni qytetarët, angazhoheni për t’iu gjetur hallin, e që halli më i madh për ta është sigurimi i vaksinave.
Kelmendi më tej shtoi se zgjedhjet e fundit kanë shtuar vetëm numrin e varreve, përcjell “Bota sot”.
Postimi i plotë:
Nëse i shihni qytetarët tuaj vetëm si numra dhe makina votuese, shkojmë sërish në zgjedhje.
Nëse i respektoni si qenie njerëzore, angazhoheni të gjithë bashkë t’u gjendeni në halle.
E halli më i madh i qenieve njerëzore sot është sigurimi i vaksinave, jo zgjedhjet.
Zgjedhjet e fundit në pandemi kanë shtuar veç numrin e varreve në Kosovë. Apo, tek e fundit, edhe varret janë veç n u m r a.