Kryetari i Komisionit për Legjislacion të Kuvendit të Kosovës, Adnan Rrustemi, e ka konfirmuar se seanca për ndryshim të Ligjit për Zgjedhjet e Përgjithshme do të mbahet nga ora 21:30.
E ndryshimi i këtij ligji ka ngjallur shumë reagime tek partitë opozitare në Kosovë, si dhe në opinionin publik.
E fundit që ka reaguar është edhe vajza e Xhemail Mustafës, bashkëpunëtorit të vrarë të presidentit historik, Ibrahim Rugova.
“Afera e njoftun si ajo e “Zanzi barit” patë ndodhë në mbrëmje. Edhe Haxhi Shalës i patën shku në mbrëmje të shpi. Edhe kjo punë e “reformës zgjedhore po “ndodhë” natën. Fort e dojmë terrin!”, ka shkruar vajza e Xhemail Mustafës, Beriane Mustafa.
