Deputeti i PDK-së, Xhavit Haliti, ka thënë se nuk mund të marrë pjesë në seancën e sotme për zgjedhjen e presidentit pasi që është në Pogradec.
Ai, në një lidhje direkte, tha se nuk ka qenë i informuar se do të ketë seancë, derisa ka shtuar se nuk është i punësuar që të punojë edhe në vikend.
“Unë nuk e kam ditur, nuk më ka thënë askush. Unë jam në Pogradec, qysh kam me votu prej Pogradecit?”.
“Unë kam ardhur në Pogradec dhe nuk e kam ditur që ka seancë të Kuvendit. Unë nuk jam i punësuar që të punoj edhe të shtunën dhe të dielën dhe as nuk ka pas paralajmërim që do të ketë seancë”, tha ai.
