Gazetari Xhevdet Pozhari, i ka quajtur personazhe tragjiko-komedike tre deputetët e Lidhjes Demokratike të Kosovës, që nuk morën pjesë në votimin për presidentin.
Ai ka thënë se Avdullah Hoti, Agim Veliu dhe Driton Selmanaj, janë tre të “mjerë që simbolizojnë muskujt e lodhur politikë të Isa Mustafës”, përcjell Bota sot.
Reagimi i tij në Facebook:
Jo rastësisht Albin Kurti pati deklaruar se Pako e Ahtisarit është kompromisi i fundit!
Kjo ngaqë e ardhmja e Kosovës nuk mund të dirigjohet nga Beogradi dhe nga ata pushtetarë që në të kaluarën bënin biznese në kurriz të fatkeqësisë së Kosovës.
Ndërsa, Hoti, Veliu e Selmanaj janë veç tre të mjerë që simbolizojnë muskujt e lodhur politikë të Isa Mustafës. Personazhe tragjiko-komike.
