Analisti i njohur, Shkëlzen Gashi përmes një postimi ka shkruar se deputetët e kanë obligim që të marrin pjesën në votimin për president.
Gashi këtë e bazon në një aktgjykim të Gjykatës Kushtetuese të vitit 2011.
“Presidenti i Republikës së Kosovës duhet të zgjidhet me 2/3-at e ‘votave të te gjithe deputetëve’ të Kuvendit, që do të thotë se të gjithë 120 deputetët duhet të votojnë, minus ata deputetë të ciIët kanë marrë leje nga Kryetari i Kuvendit. Aktgjykimi i Gjykatës Kushtetuese të Kosovës. 30 mars 2011 Prishtine” , ka shkruar Gashi në postimin e tij.
Vlen të theksojmë që votimi për president dje nuk u bë për shkak se nuk kishte kuorum. Vetëm 79 deputetë morën pjesë.