Liburn Aliu priti në takim shefin e zyrës së Bashkimit Evropian në Kosovë

Aktuale

Liburn Aliu priti në takim shefin e zyrës së Bashkimit Evropian në Kosovë

Më: 15 prill 2021 Në ora: 16:38
Pamje nga vendi i ngjarjes

Sot në takim ministri i Mjedisit, Planifikimit Hapësinor dhe Infrastrukturës, z.Liburn Aliu priti përfaqësuesin special të BE-së, ambasadorin z. Tomas Szunyog.

Në këtë takim, dy palët diskutuan prioritetet e Ministrisë së Infrastrukturës dhe Ambientit, si dhe bashkëpunimin për çështje me interes të përbashkët.

Si çështje kryesore në takim u diskutua për projektet përkatëse të infrastrukturës rrugore dhe hekurudhore, si dhe sigurinë rrugore.

Të dy palët shprehën gatishmërinë që të vazhdojnë të punojnë në përmirësimin e menaxhimit të mbeturinave, efikasitetin e energjisë, si dhe kalimin në burime të energjisë së rinovueshme.

Ministri Aliu e falënderoi për vizitën dhe urimin ambasadorin, si dhe shprehi gatishmërinë e tij për intensifikimin e bashkëpunimit në çështjet që kanë të bëjnë mjedisin dhe infrastrukturën.

Shfaq komentet
comments powered by Disqus
Sot mund të lexoni Shfletoni kopertinat