Daut Haradinaj nga AAK-ja ka reaguar ndaj Qeverisë Kurti.
Haradinaj përmes një postimi në Facebook, është përfshirë në debatin për vaksinat dhe kontratën që sipas medieve ministri Arben Vitia nuk e ka nënshkruar me kompaninë amerikane Pfizer.
Haradinaj thotë se njëherë e mbyllën Kosovën dhe tash po duan t’i mbyllin mediat.
Postimi i plotë:
Pasi e mbyllën Kosovën, tani po mundohen t'i mbyllin edhe mediumet e guximshme për raportimin e mosnënshkruarjes së kontratës për blerjen e vaksinës.
Logjikë tepër e gabueshme që dështimet e veta t'i arsyetojë me ndërhyrje në media nëpërmes policisë dhe prokurorisë.
Mos ta harrojmë edhe aferën e blerjes së maskave me çmim marramendës dhe vdekjen e të riut në Qendrën e Studentëve.
Të dyja këto raste janë për prokurorinë e guximshme, e assesi gazetari qe e kreu detyrën e vet.
