Në Kosovë janë rreth 100 persona të diagnostikuar me Fibroze Cistike.
Për të njëjtit nuk është se ofrohet mbështetje sa i përket terapisë.
“Ministria i mbulon për aq sa është e mundur përmes buxhetit të saj dhe donatorëve, pacientët me sëmundje të rralla si rastet me morbus gausher, sklerozë multiple e fibrozë cistike”, thuhet në përgjigjen e MSh-së për io.
Ministria e Shëndetësisë thotë se pandemia e ka vështirësuar edhe më shumë furnizimin me terapi dhe se buxheti për barna është i pamjaftueshëm.
“Gjatë pandemise ka pasur vështirësi në mbulim me terapi të këtyre terapive, sepse një pjesë e terapisë sigurohet përmes donatorëve ndërkombëtarë, buxheti për barna nuk është i mjaftueshëm.
Përgjithësisht trajtimi i sëmundjeve të rralla është mjaft i kushtueshem, në kete mes edhe i të prekurve me fibroze cistike”.
Ndryshe, në Klinikën e Pediatrisë të Qendrës Klinike Universitare të Kosovës, personat e prekur nga fibroza cistike nuk mund të trajtohen me asnjë lloj medikamenti pasi lista esenciale e barnave nuk i përfshin këto medikamente dhe e njëjta nuk është ndryshuar tash e sa vite.
Në 10 mijë fëmijë të lindur në botë, katër prej tyre lindin me Fibrozë Cistike.
