Befason Bekim Haxhiu i PDK-së, i shkon në zyre ministrit Arben Vitia – mësohet se çfarë kanë biseduar

Aktuale

Befason Bekim Haxhiu i PDK-së, i shkon në zyre ministrit Arben Vitia – mësohet se çfarë kanë biseduar

Nga: N. H Më: 18 prill 2021 Në ora: 17:15
Arben Vitia, Naim Bardiqi dhe Bekim Haxhiu

Deputeti i Kuvendit të Kosovës, nga radhët e Partisë Demokratike të Kosovës, Bekim Haxhiu, përmes një postimi në Facebook, njofton se ka takuar Ministrin e Shëndetësisë, Arben Vitia, dhe sekretarin Naim Bardiqi, përcjell “Bota sot”.

Deputeti i opozitës, Bekim Haxhiu, tregon se takimi i sotëm kishte për qëllim shqyrtimin e ofertës dhe kontakteve me akterët që mund të na ndihmojnë̈ në sigurimin e vaksinës Pfizer.

Ja shkrimi i plotë:

Me ftesë të ministrit, Arben Vitia, sot zhvilluam së bashku një takim, në zyrët e Ministrisë së Shëndetësisë.

Takimi kishte për qëllim shqyrtimin e ofertës dhe kontakteve me akterët që mund të na ndihmojnë në sigurimin e vaksinës Pfizer, të cilat kontakte ia kam dërguar ministrit me email para dy ditësh.

Ministrit Vitia, sekretarit Bardiqi dhe ekipit të MSH zyrtarisht ua ofrova komunikimin dhe kontaktet që i kam patur me Kompaninë e cila po na e ofron mundësinë e sigurimit të 500 mijë deri në 3 milionë vaksina Pfizer.

Ministri Arben Vitia më falenderoi për gadishërinë time që t’i ndihmoj në këtë proces, sepse sigurimi sa me i shpejtë i vaksinave është shpëtim jete.

Ministri Vitia dhe sekretari Bardiqi u zotuan se Komiteti i MSH për sigurim të vaksinave, do të kontaktojë Kompaninë e cila mund të na i sigurojë një numër të jashtëzakonshëm të dozave me vaksinën Pfizer.

Tani i takon Ministrisë së Shëndetësi që të punojë me seriozitet, përgjegjësi dhe përkushtim në procedurat e mëtutjeshme për sigurim të vaksinave anti COVID-19.

Pavarësisht a jemi pozitë apo opozitë në këtë situatë të gjithë së bashku duhet të punojmë për të mirën e shëndetit të qytetarëve. Virusi po vret çdo ditë qytetarët e Kosovës pa dallim partie politike dhe partitë pa dallime politike duhet të punojnë për të mposhtur pandeminë.

Sigurisht se përgjegjësinë kryesore e ka subjekti politik që është në Qeveri.

Për më shumë se një vit pandemi të gjithë kemi humbur njerëz të dashur si pasojë e virusit COVID-19, prandaj vaksina është shpëtim jete!

 

Me ftesë të ministrit, Arben Vitia, sot zhvilluam së bashku një takim, në zyrët e Ministrisë së...

Posted by Bekim Haxhiu on E diel, 18 April 2021
Shfaq komentet
comments powered by Disqus
Sot mund të lexoni Shfletoni kopertinat