“Non Paperi hap rrugë për tragjedi”/ Ish ambasadori tregon skenarin e tmerrshëm...

Aktuale

“Non Paperi hap rrugë për tragjedi”/ Ish ambasadori tregon skenarin e tmerrshëm...

Nga: N.Sh. Më: 19 prill 2021 Në ora: 15:35
Janez Jansha

Një draft dokument i publikuar nga kryeministri slloven, Janez Jansha ka ngjallur reagime të mëdha.

Kundër këtij draft dokumenti që ka të bëjë me ndryshimin e kufijve në Ballkan, së pari dolën Shtetet e Bashkuara të Amerikës, pastaj edhe Gjermania si dhe kundër doli edhe vet presidenti slloven.

Për këtë “non-paper” ka reaguar edhe ish-ambasadori i Kosovës, Lulzim Peci.

Ai thotë se këto ide hapin rrugë për tragjedi të reja në Ballkan dhe në vendet fqinjë të Rusisë.

Sipas tij, ideja për bashkimin e Kosovës me Shqipërinë është vetëm një grep për t’u bashkangjitur shqiptarët në këtë valle.

“Non-paper për ndarjen e Bosnjë dhe Herzegovinës nuk është as më shumë dhe as më pak se sa legjitimim i gjenocidit ndaj popullatës boshnjake prej forcave serbe gjatë luftës 1991-1995.

Idetë e tilla monstruoze hapin rrugë për tragjedi të reja, dhe atë jo vetëm në Ballkan, por edhe në fqinjesinë e Rusisë.

Ndërsa opcioni për bashkimin e Kosovës me Shqipëri i këtij non-paperi, është vetëm një grep për t’i bashkangjitur shqiptarët në këtë valle të çmendur”, shkruan Peci në facebook, transmeton gazeta “Bota sot”.

Shfaq komentet
comments powered by Disqus
Sot mund të lexoni Shfletoni kopertinat