​Konjufca nderoi heroin Ilir Konushevci

Aktuale

​Konjufca nderoi heroin Ilir Konushevci

Më: 9 maj 2021 Në ora: 13:05
Glauk Konjufca dhe Albin Kurti

Kryetari i Kuvendit të Republikës së Kosovës, Glauk Konjufca, së bashku me Kryeministrin Albin Kurti, bëri sot homazhe pranë varrit të heroit Ilir Konushevci, në 23-vjetorin e rënies së tij.

Pasi bëri nderime dhe vendosi lule në vendin ku prehen eshtrat e luftëtarit të orëve të para të Ushtrisë Çlirimtare të Kosovës, kryekuvendari Konjufca tha se heroi Ilir Konushevci, së bashku me doktorin Hazir Malaj, ranë këtu e 23 vite më parë, duke i shërbyer kombit tonë në luftën çlirimtare.

Ai tha se Ilir Konushevci është njëra nga figurat më të rëndësishme të UÇK-së.

“Do të ishte i pamendueshëm në fillesat e veta organizimi i Ushtrisë Çlirimtare të Kosovës dhe i luftës sonë në përgjithësi, pa kontributin e jashtëzakonshëm të Ilir Konushevcit. Prandaj, rënia e tij 23 vite më parë, në masën që është sakrificë sublime për lirinë e kombit tonë, po aq ishte edhe humbje e madhe për organizimin dhe logjistikën e Ushtrisë Çlrimtare të Kosovës. Ilir Konushevci do të përkujtohet dhe nderohet gjithmonë, si njëri prej heronjve më të rëndësishëm të luftës sonë”, theksoi kryekuvendari Konjufca.

Shfaq komentet
comments powered by Disqus
Sot mund të lexoni Shfletoni kopertinat