Ministri i Mbrojtjes, Armend Mehaj, ka biseduar përmes video-lidhjes me homologen e tij të Malit të Zi, Olivera Injac.
Kosova dhe Mali i Zi u dakorduan që të intensifikojnë angazhimet dypalëshe për konkretizimin e mëtejmë të aktiviteteve të dy ministrive dhe forcave.
Postimi në Facebook:
Sot përmes video-lidhjes pata kënaqësi të bisedoi me homologen time, Ministren e Mbrojtjes së Malit të Zi, Olivera Injac.
Ministrja Injac më uroi për detyrën dhe shprehu vulllnetin e saj për zgjerimin e mëtejmë të bashkëpunimit bilateral në kuadër të Memorandumit të Mirëkuptimit në mes dy ministrive në fushat me interes të përbashkët, duke theksuar edhe procesin e menaxhimit të krizës së pandemisë COVID-19.
Theksova rëndësinë e thellimit të bashkëpunimit në mes dy ministrive në interesin e përbashkët si dy vende fqinje dhe rajonit në përgjithësi. E vlerësoi lart edhe rolin e tashëm të Malit të Zi si vend anëtar i NATO-s dhe ndërlidhjen e këtij fakti me synimin e Kosovës për integrimit në organizatat rajonale dhe euroatlantike të sigurisë dhe mbrojtjes.
Në fund të dy u pajtuam që të intensifikohen angazhimet dypalëshe për konkretizimin e mëtejmë të aktiviteteve të dy ministrive dhe forcave.
