Sulmi seksual në një shkollë në Prishtinë, reagon Halimi e LDK-së: Ky rast të jetë alarm

Aktuale

Sulmi seksual në një shkollë në Prishtinë, reagon Halimi e LDK-së: Ky rast të jetë alarm

Nga: N. H Më: 16 maj 2021 Në ora: 17:29
Sibel Halimi

Zëdhënësja e Lidhjes Demokratike të Kosovës (LDK), Sibel Halimi, përmes një shkrimi në Facebook ka thënë se rasti i abuzimit seksual në oborrin e një shkolle në kryeqytet, dhe incizimi i ngjarjes shpërfaq qartazi gjendjen reale me të cilin janë duke u ballafaquar fëmijët tanë.

Ky reagim nga Halimi vije pasi dje u raportua se një vajzë e klasës së parë u sulmua seksualisht në një shkollë të Prishtinës.

Halimi shprehet se për shkak të mungesës së informacionit dhe vetëdijes së nxënësve, aktet e tilla po shndërrohen në akte “trimërie”.

Andaj, ajo thekson se ky rast, duhet të jetë alarm, për shkollat dhe sistemin arsimor, përcjell “Bota sot”.

Ja shkrimi i saj:

Shkolla është vendi ku fëmijët duhet të edukohen për të drejtat e barabarta. Padrejtësitë, misogjenizmi, diskriminimi e abuzimi i shfaqur në shoqëri, në shkollë nxënësve duhet t`u jepet mundësia për t`i ndryshuar botëkuptimet patriarkale ndaj gjinisë.

Rasti i abuzimit seksual në oborrin e një shkolle në kryeqytet, incizimi i ngjarjes shpërfaq qartazi gjendjen reale me të cilin janë duke u ballafaquar fëmijët tanë. Në mungesë të informacionit dhe vetëdijes të nxënësve, aktet e tilla shndërrohen në akte “trimërie”. Andaj, ky rast, të jetë alarm, për shkollat dhe sistemin arsimor. Arsyetimi i shkollës, që kjo ngjarje ka ndodhur jashtë procesit mësimor, është vetëm vazhdimësia e problemit me të cilat ballafaqohet arsimi ynë. Derisa, publikimi i videos nga mediet është shkelje flagrante e të drejtave të fëmijëve.

commentFirst article
Sot mund të lexoni Shfletoni kopertinat