Shefi i grupit parlamentar të PDK-së, Abelard Tahiri, njoftoi se kjo parti ka lëshuar mbledhjen e Kryesisë, pasi siç thotë ai ka pasur ofendime nga shefja e GP-së të Vetëvendosjes, Mimoza Kusari-Lila.
“Së bashku me nënkryetarin e Kuvendit lëshuam mbledhjen e Kryesisë për shkak të ofendimeve që vijnë nga zonja Kusari e cila përfaqëson Lëvizjen Vetëvendosje”.
“Zonja Kusari është e fundit që ka dedicite të mëdha morale që deputetët e opozitës me u thënë se më shumë ngjasojnë më banda se me deputet”, u shpreh ai.
“Paaftësia e tyre me ec për zhvillim po i shtynë ata me ndal temat e partive opozitare”.
“Ritëm shumë i dobët dhe i ngathët po ndodhë në vendin tonë që tregon paaftësi të ministrit dhe kryeministrit”.
“Bojkoti nuk është praktikë e jona. Kësaj Qeverie mund t’i konvenoj kjo zhurmë e rrëmujë që mos me u kujtua pagesa e energjisë elektrike për qytetarët në veri”.
