Hapja e sallave të dasmave dhe pishinave, çfarë u diskutua sot në takim me ministrin Vitia

Aktuale

Hapja e sallave të dasmave dhe pishinave, çfarë u diskutua sot në takim me ministrin Vitia

Më: 18 maj 2021 Në ora: 19:24
Pamje nga takimi

Kryetari i Odës së Hotelierisë dhe Turizmit (OHT), Hysen Sogojeva, drejtori ekzekutiv Visar Demolli, drejtori i estradës Afrim Muqiqi, drejtori i sallave të dasmave, Driton Hoti dhe anëtari i kryesisë Hamdi Bytyqi kanë mbajtur takim me ministrin e Shëndetësisë z. Arben Vitia.

Siç thuhet në një njoftim, në këtë takim u bisedua lidhur me mundësinë e lehtësimit të masave në sektorët që i përfshin OHT-ja përfshirë: sallat e dasmave, pishinat, estradën etj.

Vendimi për lehtësimin e masave në këta sektorë pritet të merret më 26 maj, ditën kur përfaqësuesit e OHT-së dhe sektorëve të tjerë do ta zhvillojnë një takim tjetër me ministrin Vitia.

“Përfaqësuesit tanë dolën nga takimi me shumë besim dhe shumë shpresë që muaji Qershor do të na vijë me të gjitha kërkesat tona të aprovuara, në mënyrë që sa më parë të fillojë sezona edhe për ne!”, thuhet në një njoftim.

commentFirst article
Sot mund të lexoni Shfletoni kopertinat