Ish-diplomatja, deputetja e gazetarja, Alma Lama, është përfshirë në debatin e hapur së fundmi lidhur me liturgjinë e mbajtur dje nga klerikë të Kishës Ortodokse Serbe në objektin e papërfunduar të kishës e cila ndodhet në oborrin e kampusit universitar në kryeqytet.
Lama shkruan se SHBA-të duhet ta fusin kishën serbe në listën e zezë të tyre, sipas urdhrit të fundit lëshuar nga presidenti Joe Biden.
Sipas ish-ambasadores, provokimi i djeshëm është dëshmia e fundit se ata meritojnë të shpallen “non grata”.
Ja shkrimi i saj:
Shtetet e Bashkuara duhet ta fusin Kishën Serbe në listën e zezë, sipas Urdhrit të lëshuar nga presidenti Biden, për shkak të rolit të tyre të vazhdueshëm në destabilizimin e rajonit.
Provokimi i bërë në mes të Kampusit të Universitetit të Prishtinës me liturgjinë në kishën ilegale të Millosheviqit, është dëshmia e fundit se ata meritojnë të shpallen “non grata”.
