Ruçi: Mbështetja e SHBA, NATO, BE mundësoi çlirimin, UÇK në anën e drejtë dhe të duhur të historisë

Aktuale

Ruçi: Mbështetja e SHBA, NATO, BE mundësoi çlirimin, UÇK në anën e drejtë dhe të duhur të historisë

Më: 12 qershor 2021 Në ora: 13:22
Gramoz Ruçi

Kryetari i Kuvendit, Gramoz Ruçi, ka përshëndetur sot Ditën e Lirisë së Kosovës.

Në mesazhin e tij për këtë ditë të rëndësishme shkruan se sot është dita për të rikujtuar se vetëm vendosmëria e aleatëve të mëdhenj dhe të përhershëm strategjikë të Shqipërisë, SHBA, BE dhe NATO-s, kurorëzoi luftën çlirimtare të Ushtrisë Çlirimtare të Kosovës dhe bëri të mundur çlirimin e Kosovës.

Ruçi shprehet gjithashtu se kjo ditë është për të na rikujtuar se ashtu si luftën për çlirim dhe pavarësi, edhe përpjekjet për zhvillim e përparim, dialogun me Serbinë dhe ndërtimin e paqes në rajon, Kosova mund, duhet dhe do t’i realizojë me sukses.

Mesazhi i Ruçit: 

“Sot Kosova kremton Ditën e Lirisë, e cila shënon datën e ndërhyrjes së NATO-s,  dislokimin e trupave paqeruajtëse të KFOR-it në Kosovë, më 12 qershor 1999.

Dita e Lirisë është dita të rikujtojmë se vetëm vendosmëria e aleatëve të mëdhenj dhe të përhershëm strategjikë të Shqipërisë, ShBA, BE dhe NATO-s,  kurorëzoi luftën çlirimtare të Ushtrisë Çlirimtare të Kosovës dhe bëri të mundur çlirimin e Kosovës.

Lufta e popullit kosovar dhe e Ushtrisë Çlirimtare të Kosovës ishte një luftë e drejtë dhe rezultati i saj është Kosova e lirë dhe e pavarur.

Kosova dhe Ushtria e saj Çlirimtare ishin në anën e drejtë dhe të duhur të historisë.

Dita e Lirisë së Kosovës është dita të rikujtojmë se ashtu si luftën për çlirim dhe pavarësi, edhe përpjekjet për zhvillim e përparim, dialogun me Serbinë dhe ndërtimin e paqes në rajon, Kosova mund, duhet dhe do t’i realizojë me sukses vetën në partneritet të ngushtë dhe duke iu bashkuar vizionit te aleatëve të përhershēm strategjikë të shqiptarëve, ShBA dhe BE-së.”, shkruan në mesazhin e tij përshëndetës Kryetari i Kuvendit, Gramoz Ruçi

Shfaq komentet
comments powered by Disqus
Sot mund të lexoni Shfletoni kopertinat