Ministrja e Drejtësisë Albulena Haxhiu, ka njoftuar se është proceduar në Qeveri projektligji për themelimin e Gjykatës Komerciale.
Këtë e bëri të ditur përmes një shkrimi në rrjete sociale duke thënë se, ky është një mekanizëm i veçantë, i cili i hap rrugë investimeve nga bashkëatdhetarët tanë dhe gjithashtu investimeve të huaja në Kosovë.
Postimi në Facebook:
Në përputhje me zotime tona, sot e proceduam në Qeveri, projektligjin per themelimin e Gjykatës Komerciale, si një mekanizëm i veçantë, i cili i hap rrugë investimeve nga bashkëatdhetarët tanë dhe investimeve të huaja në Kosovë.
Falenderoj gjithë anëtarët e grupit punues për kontributin e jashtëzakonshëm që kanë dhënë gjatë këtyre ditëve!
