“Unë nuk e di, nuk ia kam idenë”, deklarata e ministrit pasi motra iu punësua nga Ministria e Shëndetësisë

Aktuale

“Unë nuk e di, nuk ia kam idenë”, deklarata e ministrit pasi motra iu punësua nga Ministria e Shëndetësisë

Më: 24 korrik 2021 Në ora: 16:33
Liburn Aliu

“Nuk e di, unë nuk e di, idenë nuk e kam a është punësuar motra ime”, ka thënë Liburn Aliu, ministër i Mjedisit, Planifikimit Hapësinor dhe Infrastrukturës, kur është pyetur, për punësimin e motrës së tij nga Ministria e Shëndetësisë.

Suljota Aliu, motra e ministrit Liburn Aliu, është punësuar si anëtare në Këshillin Drejtues të Odës së Farmacistëve të Kosovës.

Vendimi për punësimin e Aliut është marrë me datën 15 të këtij muaji (korrik), por është bërë publik vetëm këtë të shtunë. Atë e ka nënshkruar ministri i Shëndetësisë, Arben Vitia.

Por, në Odën e Farmacistëve të Kosovës nuk është punësuar vetëm motra e ministrit. Si anëtare në një këshill tjetër brenda kësaj Ode, atë të Mbikëqyrjes, është deleguar edhe Nita Kelmendi – Hysa, për të cilën raportohet se është kushërira e ministrit Aliu.

Sipas vendimit të nxjerr nga ministria, delegimi i këtyre anëtarëve është bërë mbështetur në nenin 145, pika 2, të Kushtetutës së Republikës së Kosovës.

Gjithashtu, duke u bazuar në ligjet për organizimin dhe funksionimin e Administratës Shtetërore dhe të Agjencive të Pavarura.

Shfaq komentet
comments powered by Disqus
Sot mund të lexoni Shfletoni kopertinat