Sylë Gashi nga Komuna e Deçanit, i cili ka ardhur për ta pritur kunatën dhe djalin e vëllait të cilët janë të mbijetuarit në aksidentin e ndodhur në Kroaci të dielën.
Ai i ka shprehur ngushëllime familjarëve që kanë humbur më të dashurit e tyre gjatë aksidentit.
Ai ka folur edhe për shoferin, derisa theksoi se ai ka qenë shumë i aftë pasi që ky edhe vetë më parë ka udhëtuar me të njëjtin autobus dhe ngasës.
Ai kërkoi që shoferi të mos dënohet.
“Jam tu e prit kunatën, gruan e vëllait dhe djalin e vllait janë kanë në atë autobus kanë pasur fat dhe kanë pshtue. Kam dhimbje edhe për të tjerët, janë lënduar pak por kanë shpëtuar. Si kam ndi jo vetëm unë, si kemi ndi se autobusi sepse me autobus kam udhëtuar edhe vet dhe ai shofer ka qenë më i afti aty, por tash më dhimben këta që kanë shkuar. Unë po i dëgjoj disa duke folur sepse ai nuk e ka bërë me qëllim”, tha ai.
Ndryshe, si pasojë e aksidentit të së dielës, kanë vdekur 10 persona dhe mbi 40 të tjerë janë plagosur.
Ministri i Mbrojtjes në Qeverinë e Kosovës, Armend Mehaj, ka njoftuar të martën për lirimin nga spitali të 26 personave të plagosur në aksident derisa ka thënë se 15 persona janë duke u trajtuar ende.
Njëri prej tyre është në gjendje të rëndë.
Disa nga personat e plagosur do të vazhdojnë të trajtohen në shtetin e Kroacisë, disa do të kthehen në Gjermani, ka thënë ministri i Punëve të Brendshme, Xhelal Sveçla.
Në autobus kanë qenë 67 udhëtarë dhe dy shoferë, ku njëri nga shoferët ka vdekur. Autobusi po udhëtonte në linjë të rregullt Frankfurt-Prishtinë.
