Sveçla reagon për zjarrin në Rugovë, jep detajet e fundit

Aktuale

Sveçla reagon për zjarrin në Rugovë, jep detajet e fundit

Më: 31 korrik 2021 Në ora: 17:28
Rugovë

Ministri i Punëve të Brendshme, Xhelal Sveçla, ka reaguar pas zjarrit që ka kapluar fshatin Shtupeq, rajoni i Rugovës.

Sveçla tha se MPB menjëherë ka aktivizuar strukturat e saj dhe ka ndërmarrë veprime në monitorim, informim si dhe koordinim të kësaj situate.

“Njësitë e zjarrfikësve nga rajoni i Pejës dhe Gjakovës janë angazhuar me kapacitet të plotë në shuarje të zjarrit. Njëherit, në shuarje të zjarrit është angazhuar edhe Policia e Kosovës, me njësi të saj të veçanta si dhe Forca e Sigurisë së Kosovës”, ka shkruar Sveçla në llogarinë e tij në Facebook.

Tutje, kreu i MPB-së ka thënë se kjo ministri është duke koordinuar edhe bashkëpunimin me Ministrinë e Mbrojtjes, KFOR-in, Komunën e Pejës dhe banorët lokalë.

“Gjendja e vatrave të zjarrit është  lokalizuar dhe po punohet pandërprerë në vënien nën kontroll dhe shuarjen e plotë të zjarrit si nga zjarrëfikësit, FSK-ja dhe KFOR-I, të cilët janë plotësisht të përkushtuar të përfundojnë me sukses këtë intervenim”.

“Qytetarët dhe prona e tyre, deri në këto momente, janë të sigurtë dhe nuk ka nevojë për asnjë shqetësim”, ka shkruar Sveçla.

commentFirst article
Sot mund të lexoni Shfletoni kopertinat