Arrijnë në Kosovë 38 mijë e 400 doza tjera të vaksinës AstraZeneca

Aktuale

Arrijnë në Kosovë 38 mijë e 400 doza tjera të vaksinës AstraZeneca

Më: 4 gusht 2021 Në ora: 17:57
AstraZeneca

Kosova ka pranuar sot 38,400 doza të tjera të vaksinës AstraZeneca / Oxford COVID-19, të prokuruara nga UNICEF-i përmes programit të COVAX-it.

Programi i UNICEF-it në Kosovë njofton se kjo është dërgesa e katërt e vaksinave COVID-19 në Kosovë përmes sistemit COVAX.

Deri më tani, Zyra e UNICEF-it në Kosovë e ka mbështetur Ministrinë e Shëndetësisë me donacionin e 211,420 dozave të vaksinës COVID-19 përmes COVAX.

Një dërgesë tjetër prej 521,820 dozave të vaksinës Pfizer-BioNTech COVID-19 do të arrijë në javët e ardhshme.

Me vaksinat e dorëzuara deri më sot dhe arritjen e vaksinave tjera në javët e ardhshme, UNICEF-i përmes COVAX do të mbulojë 20% të popullsisë së Kosovës.

commentFirst article
Sot mund të lexoni Shfletoni kopertinat