Ish këshilltari i Avdullah Hotit: Marrëveshja e sotme nuk është e keqe, por e zbret Albin Kurtin nga...

Aktuale

Ish këshilltari i Avdullah Hotit: Marrëveshja e sotme nuk është e keqe, por e zbret Albin Kurtin nga...

Nga: P.R Më: 30 shtator 2021 Në ora: 19:13
Avdullah Hoti dhe Albin Kurti

Visar Berisha, ish këshilltar i Avdullah Hotit, gjatë kohës sa ishte kryeministër, përmes një postimi në facebook ka komentuar marrëveshjen e arritur sot në Bruksel mes Kosovës dhe Serbisë, lidhur me reciprocitetin për targat e veturave.

Sipas tij, marrëveshja nuk është e keqe, por që e zbret kryeministrin Albin Kurtin ne pozita optimaliste.

“E zbret Albin Kurtin ne pozita optimaliste. Duke i humbur atij adutin me të cilin ka bërë opozitën e 15 viteve, duke refuzuar Dialogun me Serbinë, marrëveshjet e Brukselit dhe realitetin politik në Veri”, ka shkruar ndër tjerash Berisha, përcjellë “Bota sot”.

Postimi i plotë:

Çka fituam e çka humbëm?!

1.Marreveshja e sotme në Bruksel nuk është e keqe. Ajo i fuqizon pretendimet e Prishtinës për reciprocitet;

2. Marrëveshja nuk është e duhuna sepse legjitimon jo Serbinë por status quon ne Veri. Strukturat paralele, inkursionet e shteteve të treta dhe refuzimin e qytetareve serbë për ta pranuar Republikën;

3. E zbret Albin Kurtin ne pozita optimaliste. Duke i humbur atij adutin me të cilin ka bërë opozitën e 15 viteve, duke refuzuar Dialogun me Serbinë, marrëveshjet e Brukselit dhe realitetin politik në Veri;

4. I jep VV një shtysë të duhun para zgjedhjeve lokale, duke ia bërë më të lehtë mobilizimin politik.

Qytetarët do t'i injorojnë kritikat e inflacionistëve politikë karshi kësaj Marrëveshje pasi ata e njohin shumë mirë fuqinë politike të Kosovës dhe mundësitë e saja.

commentFirst article
Sot mund të lexoni Shfletoni kopertinat