​Haradinaj kërkon dyfishimin e pensioneve për veteranët e luftës

Aktuale

​Haradinaj kërkon dyfishimin e pensioneve për veteranët e luftës

Më: 10 tetor 2021 Në ora: 20:13
Ramush Haradinaj

Kryetari i Aleancës për Ardhmërinë e Kosovës (AAK), Ramush Haradinaj ka folur sot para veteranëve dhe familjarëve të të rënëve në Junik ku ka thënë se punë shumë e rëndësishme është dyfishimi i pagave të invalidëve dhe pensionet e familjarëve të dëshmorëve.

Dyfishimin e këtyre pensioneve Haradinaj ka thënë se duhet bërë për shkak se vendi po shkon drejt rritjeve të çmimeve. Ai ka shtuar se pas këtij procesi ka ardhur koha që të dyfishohen pagat e pensionet e invalidëve të luftës dhe familjeve të dëshmorëve.

Haradinaj ka thënë se këto pensione apo paga që po u bëhen këtyre familjeve janë status i rregulluar me ligj dhe se nuk duhet t’u mohohet e drejta për të punuar, pasi veteranët e luftës po detyrohen të punojnë ilegalisht nëpër sipërmarrje të ndryshme pa kontrata pune.

Po ashtu Haradinaj ka folur se sa i rëndësishëm për vendin është anëtarësimi i vendit në NATO.

Ai ka thënë se siguria jonë është konsoliduar me formimin e Ushtrisë së Kosovës, por që të përmbyllet e gjithë infrastruktura e sigurisë së vendit nevojitet hyrja në NATO.

“Po shihen disa zhvillime kohëve të fundit edhe më ndryshe se sa që na e ka marrë mendja prandaj kryesorja është anëtarësimi në NATO”, ka thënë Haradinaj.

commentFirst article
Sot mund të lexoni Shfletoni kopertinat