Sekretari organizativ i Lëvizjes Vetëvendosje Dardan Molliqaj, ka njoftuar se Agjensioni Kosovar i Forenzikës, nga analizimi i të gjitha pajisjeve që u janë sekuestruar aktivistëve të akuzuar për terrorizëm, nuk ka gjetur asnjë provë që do të dëshmonte lidhjen e tyre me sulmin në Kuvend.
Kjo, sipas Molliqajt, dëshmon që bastisjet e aktivistëve dhe paraqitja bombastike mediale e pajisjeve të tyre gjoja si prova, kanë qenë montime politike për efekte mediale, shkruan Bota sot.
“Ditëve në vijim do të publikoj edhe faktet e tjera të dokumentuara që dëshmojnë se aktivistët e arrestuar tash e 136 ditë po mbahen politikisht dhe pa asnjë provë”, ka shkruar Molliqaj në Facebook, ku edhe ka prezantuar faktet me dokumente./BS/