Kryeministri i Kosovës, Isa Mustafa ka shprehur ngushëllime për vdekjen e gazetarit Ganimet Klaiqi.
Përmes një postimi në llogarinë e tij në Facebook, ai e ka lavdëruar Klaiqin, duke thënë se e ka pasur nderin që ta njohë dhe të bisedojë me të, përcjell Bota sot.
Postimi i tij i plotë:
Më pikëlloi shumë lajmi për ndarjen nga jeta të gazetarit të respektuar Ganimet Klaiqi.
Kam pas nderin ta njoh dhe të zhvillojë biseda me Ganimetin, kryesisht gjatë punës në Komunën e Prishtinës.
I çiltër, modest në sjellje, e shumë i thellë dhe përmbajtjesor në mendime.
Ngushëllimet më të sinqerta Familjes së nderuar Klaiqi.
I lehtë i qoftë dheu i Kosovës!/BS/