Imer Mushkolaj, analist dhe njohës i zhvillimeve politike në vend, përmes një postimi në facebook, ka shkruar se kryetari aktual i Partisë Demokratike të Kosovës, Kadri Veseli duhet të japë dorëheqje nga pozita e kryetarit të PDK-së.
Mushkolaj ka përmendur një sërë arsye, që sipas tij Veseli duhet të largohet.
“I premtoi elektoratit se do të bëhet kryeministër, por e mashtroi duke ia dhënë mundësinë dikujt tjetër. Premtoi fitore të thellë, por humbi dhjetëra-mijëra vota. Prishi koalicionin për interesa të veta dhe dështoi keq. Kadri Veseli është përgjegjësi kryesor për katandisjen e PDK’së. Kadri Veseli duhet të jep dorëheqje”, ka shkruar Mushkolaj, përcjellë “Bota sot”.