Zgjedhjet e 11 qershorit siç duket mund të prodhojnë një krizë te re të politikës në Kosovë. Kjo për faktin se asnjëra parti ose koalicion nuk arriti këto zgjedhje të sigurojë numrin e nevojshëm për të formuar Qeverinë.
Ish-kryetari i Gjykatës Kushtetuese të Kosovës, Enver Hasani, ka folur për situatën e krijuar pas zgjedhjeve në vend, që fitues e kanë nxjerrë koalicionin PDK-AAK-Nisma, por që nuk ka siguruar një shumicë të votave.
Sipas Hasanit, nëse subjekti fitues i zgjedhjeve nuk arrin ta formojë qeverinë, Presidenti mund t’ia japë të drejtën për formimin e qeverisë partisë që nuk e ka shumicën e vendeve në Kuvend.
