Deputetët e legjislaturës së gjashtë të Kuvendit të Kosovës sot kanë ditën e fundit të regjistrimit si deputetë.
Sipas një njoftimi të Kuvendit të Kosovës, në dy ditët e kaluara janë regjistruar 89 deputetë.
Regjistrimi vazhdon edhe sot nga ora 10:00-15:00.
Deputeti i Lëvizjes Vetëvendosje, Frashër Krasniqi, i cili është duke e vuajtur masën e ndalimit shtëpiak, pas akuzës së ngritur për terrorizëm, sot regjistrohet si deputet në Kuvendin e Kosovës.
Krasniqi përmes një njoftimi për media, ka bërë të ditur se regjistrimin do ta bëjë në ora 10:30 në Kuvendin e Kosovës.