Kryetari i Bashkimit Demokratik për Integrim, Ali Ahmeti, ka dhënë një intervistë në emisionin “Pressing”.
Ish-luftëtari i Ushtrisë Çlirimtare të Kosovës ka treguar se kur dhe ku i ka takuar Hashim Thaçin, Kadri Veselin dhe Ramush Haradinajn, sot krerë të institucioneve në Kosovë.
“Hashimin e kam njohur në konferencën që e kemi mbajtur në Kollar, në 93-tën”, ka treguar Ali Ahmeti.
“Kadriun nëse s’gaboj pak më herët, për shkak se e ka pasur një Sabitin kushëri, që ka qenë me neve", ka kujtuar ai.
“Ramushin e kam njohur para 93-tës, diku në 90-tën, në 91-tën”, ka thënë Ahmeti, duke theksuar se me Haradinajn është njohur në Perëndim.
