Kryeministri i Kosovës Ramush Haradinaj sot zhvilloi një takim pune me Kryetarin e Listës Serbe, Goran Rakiq dhe nënkryetarin e këtij subjekti Milan Radojçiq.
Zyra e kryeministrit në një njoftim të shkurtër sqaron se u diskutua për situatën e përgjithshme në vend.
“Në këtë takim u diskutua për situatën e përgjithshme në vend, me theks te veçantë për aspektet e sigurisë si dhe zhvillimit ekonomik e social”, thuhet në një komunikatë dërguar për media nga Zyra e kryeministrit.
Ndryshe, Milan Radojçiq është i njohur si bashkëpunëtor i ngushtë i kriminelit Zvonka Veselinoviç. Mediat serbe njoftojnë se Milan Radojçiq, së bashku me Zvonka Veselinoviçin, hetohen edhe në Serbi për krim të organizuar.