Thaçi përsëri flet për korrigjimin e kufirit me Serbinë, tregon se çfarë mund të ndodhë me Luginën e Preshevës - Bota Sot
Thaçi përsëri flet për korrigjimin e kufirit me Serbinë, tregon se çfarë mund të ndodhë me Luginën e Preshevës

Aktuale

Thaçi përsëri flet për korrigjimin e kufirit me Serbinë, tregon se çfarë mund të ndodhë me Luginën e Preshevës

Më: 2 gusht 2018 Në ora: 13:00
Hashim Thaçi

Presidenti Hashim Thaçi tha se shpreson që në fund të këtij muaj ose në fillim të shtatorit do të ketë një dinamikë të fuqishme për dialogun në Bruksel dhe se Kosova ka rreth 400 kilometra kufi me Serbinë, që sipas tij, duhet të ndodhë demarkacioni.

Ai këto komente i bëri pas takimit me kryetarin e ri të Odës Ekonomike të Kosovës, Berat Rukiqi.

Thaçi: Kemi rreth 400 kilometra kufi me Serbinë

“Se kur do të ndodhë takimi i radhës ndërmjet delegacionit të Republikës së Kosovës dhe Serbisë, ende nuk është specifikuar, por unë shpresoj që nga fundi i muajt gushtit dhe fillimi i shtatorit do të kemi një dinamikë më të fuqishme të udhëhequr nga Bashkimi Evropian dhe të mbështetur nga Shtetet e Bashkuara të Amerikës, të dialogut Kosovë-Serbi, ndërsa sa i përket korrigjimit të kufijve, e theksoi, është realitet, kemi rreth 400 kilometra kufi në mes të Kosovës dhe Serbisë që duhet t’i vejmë, sepse ne duhet ta përmbyllim shtet formimin apo konsolidimin e shtetit tonë, dhe pa vënien e vijave kufitare, në fakt ende nuk është përmbyllur ai proces me Serbinë. Për këtë arsye do të diskutohet për demarkacionin, do të diskutohet për korrigjimin e kufijve dhe në kuadër të korrigjimit të kufijve”, ka thënë Thaçi.

Presidenti i Kosovës ka thënë se nuk do të mund të ndodhë me asnjë çmim aspirata e Serbisë për ndarje të Kosovës, por shtoi se kërkesa e institucionalizuar e Luginës së Preshevës për bashkimin me Kosovën, nëse ka marrëveshje ose ka pajtueshmëri të dy anshme askush nuk do të mund dhe nuk do të dal kundër një marrëveshje të vullnetit të mirë.

Thaçi: Nuk mund të imponohet aspirata serbe për ndarje të Kosovës

“E theksoj edhe një herë se në asnjë rrethanë, me asnjë çmim nga askush nuk do të mund të imponohet realizmi i aspiratës serbe për ndarje të Kosovës, ndërsa në kuadër të korrigjimit vlerësoj se është shumë e realizueshme, është e pranueshme nga ana e jonë, kërkesa e institucionalizuar e liderëve të Luginës së Preshevës për bashkëngjitje me Kosovën, nëse ka marrëveshje ose ka pajtueshmëri të dyanshme askush nuk do të mund dhe nuk do të del kundër një marrëveshje të vullnetit të mirë të palëve të përfshira në dialog, në këtë rast të Kosovës dhe Serbisë, pra as Bashkimi Evropian, as NATO dhe as Shtetet e Bashkuara të Amerikës. Pra, e ritheksoj në asnjë rrethanë nuk do të ketë ndarje, korrigjim të kufijve mund të ketë duke përfshirë Luginën e Preshevës”, ka thënë presidenti Thaçi.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...