Pacolli e quan akt qyqar djegien e flamurit turk - Bota Sot
Pacolli e quan akt qyqar djegien e flamurit turk

Aktuale

Pacolli e quan akt qyqar djegien e flamurit turk

Më: 3 gusht 2018 Në ora: 07:31
Djegia e flamurit turk

Ministri i Punëve të Jashtme, Behgjet Pacolli ka reaguar lidhur me djegien e flamurit të shtetit të Turqisë nga disa individë.

Pacolli e ka quajtur këtë akt si qyqar.

“Akt i shëmtuar dhe qyqar është djegja e flamurit të Turqisë, vendit i cili është mbështetës i parezervë i Republikës së Kosovës. Kosova shpreh mirënjohjen e thellë për ndihmën e pakursyer që Turqia i ka dhënë në procesin e shtet ndërtimit, shtimin e numrit të njohjeve dhe anëtarësimin në Organizata ndërkombëtar”, ka shkruar Pacolli.

Kjo temë është ngjallur pasi një video që po qarkullon në rrjetet sociale, tregon disa persona që i vënë flakën flamurit të Turqisë. Ata dëgjohen duke thënë se janë në “përkrahje të Gjergj Dedajt, poshtë Turqia, poshtë Serbia, kalle Erdoganin”.

Po ashtu për këtë ka reaguar edhe Qeveria, e cila ka ritheksuar qëndrimin e saj kundër deklarimeve dhe gjuhës fyese ndaj Republikës së Turqisë dhe popullit turk, nga kushdo qoftë.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...