Kryeministri i Kosovës, Ramush Haradinaj ka pritur në takim zëvendësdrejtorin në largim të AKI-së, Latif Merovci.
Haradinaj përmes një postimi në Facebook ka shkruar se ka kërkuar nga Merovci që edhe më tutje t’i shërbej atdheut, duke kontribuar me eksperiencën dhe profesionalizmin e tij në cilindo angazhim që do ta ketë.
“Prita sot në takim zv. Drejtorin në largim të AKI-së, z. Latif Merovci. Në këtë takim pune e falënderova z. Merovcin për kontributin e tij 7 vjeçar në Agjencinë e Inteligjencës së Kosovës. Edhe pse tani zotëri Merovci është liruar nga përgjegjësitë e tij, kërkova nga ai që edhe më tutje t’i shërbej atdheut, duke kontribuar me eksperiencën dhe profesionalizmin e tij në cilindo angazhim që do ta ketë”, ka shkruar Haradinaj në Facebook.
Ndryshe, me një vendim të nënshkruar nga Kryeministri Haradinaj dhe Presidenti, Hashim Thaçi kanë shkarkuar të premten Merovcin nga posti I zëvendësdrejtori i AKI-së.
