Hoti: Propozimi i Thaçit për kufijtë po ushqen shpresat e serbëve për ndarje të Kosovës - Bota Sot
Hoti: Propozimi i Thaçit për kufijtë po ushqen shpresat e serbëve për ndarje të Kosovës

Aktuale

Hoti: Propozimi i Thaçit për kufijtë po ushqen shpresat e serbëve për ndarje të Kosovës

Më: 14 gusht 2018 Në ora: 10:09
Shefi i Grupit Parlamentar të Lidhjes Demokratike të Kosovës, Avdullah Hoti

Shefi i Grupit Parlamentar të Lidhjes Demokratike të Kosovës, Avdullah Hoti ka komentuar përsëri propozimin e presidentit Hashim Thaçi për korrigjim kufijsh.

Në një postim në Facebook, Hoti ka shkruar se ky propozim i Thaçit ka ushqyer shpresat e serbëve që Kosova do të ndahet dhe një pjesë e saj do bashkohet me Serbinë.

Prandaj, siç ka shkruar ai, zgjedhjet e reja do të nxjerrin një qeveri dhe kuvend legjitim, për të marr në dorë fatin e vendit, duke mos lejuar presidentin të bëjë pazare me shtetësinë e Kosovës.

Më poshtë postimi i Hotit:

QEVERIA E RE DO TË ELIMINOJË PASIGURINË POLITIKE QË KA KRIJUAR PROPOZIMI I PRESIDENTIT PËR KORIGJIM KUFIJSH

Propozimi kontravers i Presidentit për korigjim kufijsh i ka dëmtuar në thelb përpjekjet e kahmotshme, tonat dhe të bashkësisë ndërkombëtare, për të krijuar rrethana të favorshme për komunitetin serb që të jetë pjesë aktive dhe e barabartë e jetës institucionale në Kosovës.

Propozimi për korigjim kufijsh po ndihmon drejtëpërdrejt politikën refuzuese të përfaqësuesve politik të komunitetit serb ndaj institucioneve të Kosovës, si dhe po i ushqyen shpresa e tyre se Kosova mund të ndahet dhe një pjesë e saj mund t’i bashkangjitet Serbisë.

Kaq vite mund, investime dhe punë nga ne dhe miqtë tanë ndërkombëtar tash po dëmtohen nga Presidenti i shtetit, i cili në fakt do të duhej të ishte gardian i rendit kushtetues dhe kundërshtues ndaj ideve të tilla kundërkushtetuese.

Zgjedhjet e reja do të nxjerrin një qeveri dhe kuvend legjitim, që marrin në dorë fatin e vendit dhe nuk e lejojnë Presidentin të bëjë pazar me shtetësinë e Kosovës.

Qeveria e re do të eliminojë pasigurinë politike që ka kapluar shtetin e Kosovës dhe ka çorientuar miqtë tanë ndërkombëtar lidhur me atë se çfarë duan qytetarët e Kosovës.

Ne mbesim të palëkundur në idealin tonë për një Kosovë demokratike e të pavarur në tërësinë e saj territoriale, të zhvilluar në çdo cep të saj e me mundësi të barabarta për të gjithë pa dallim, të integruar në BE dhe NATO, si dhe në miqësi të përhershme me SHBA. 

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...