Komisioni Evropian ka përsëritur qëndrimin se Beogradi e Prishtina duhet të përcaktohen për zgjidhje të përhershme, që do të ishte e qëndrueshme dhe realiste duke respektuar të drejtat ndërkombëtare.
Lidhur me gjendjen e dialogut në mes të Prishtinës dhe Beogradit zyrtar, zëdhënësja e Përfaqësueses së Lartë për Politikë të Jashtme të BE-së, Maja Kociançiq, deklaroi se më 24 qershor, kryetarët e Kosovës dhe të Serbisë, Hashim Thaçi e Aleksasndar Vuçiq, patën një dialog intenziv dhe tejet produktiv në kuadër të marrëveshjes gjithëpërfshirëse për normalizimin e marrëdhënieve ndërmjet dy vendeve dhe janë pajtuar që të takohen sërish në shtator, bëjnë të ditur mediet serbe.
“Dialogu në ndërmjetësimin e BE-së ka për qëllim të arrihet bashkëpunim të përhershëm mes të dyja palëve, të ndihmojë të realizojnë përparim drejt rrugëtimit në BE dhe të përmirësojnë jetën e qytetarëve. Zgjidhja e përhershme do të thotë zgjidhje qëndrueshme dhe realiste në kuadër të të drejtave ndërkombëtare. Palët duhet të përcaktojnë një qëndrim të përbashkët me pëlqim të ndërsjellë”, deklaroi Maja Kociançiq.