Kompleksi Memorial “Dr. Ibrahim Rugova”, në Malaj të Rugovës është afër përfundimit.
Në disa fotografi shihet se punimët në këtë kompleks janë pothuasje në përfundim, shkruan gazeta "Bota sot".
Në kulmin e kullës është parë të valvitet flamuri Dardan, flamuri që presidenti Dr. Ibrahim Rugova e kishte propozuar që të ishte edhe flamuri i Kosovës, por dihen shkaqet dhe personalitetet e asaj kohe të cilët nuk e pranuan si të tillë.
Ky është një projekt me arkitekturë unike, tipike shqiptare.
Në këtë projekt kanë punuar arkitekti Blerim Bajraktaraj dhe skulptori Gëzim Muriqi.
Projekti është financuar nga Shoqata “Sali Çekaj” me kontribuuimin e mërgatës shqiptare në botë.
