Kryetari i Partisë së Drejtësisë Gëzim Kelmendi, ka kritikuar ashpër institucionet e Kosovës, për mos reagim ndaj për arrestimin e bashkëatdhetarit nga komuna e Gjilanit me vendbanim në Gjermani, Ibrahim Matoshit.
Kelmendi, në një reagim për media, ka thënë se arrestimi i tij, është përgjegjësi edhe e institucioneve të Kosovës dhe se këto të fundit, me heshtjen e tyre tregojnë se “qytetarët e Kosovës janë vetëm burim i votës për të ardhur në pushtet”.
“Turp për juve. Paret, meditjet dhe udhëtimet shumë i dëshironi, por qytetarët e Kosovës nuk po i mbroni”, ka shkruar ai ndër të tjerash.
Reagimi i plotë i Kelmendit:
Dr.Gëzim Kelmendi: Serbia arreston bashkëatdhetarët tanë,
PAN dhe AKR në deti, LDK heshtë, VV sulmon policinë e Kosovës
Serbia po vazhdon me arrestime të qytetarëve të Kosovës që jetojnë në diasporë.
Aktakuzat janë të paqëndrueshme dhe falso.
Këtë e dëshmon edhe rasti i fundit i bashkëatdhetarit tonë nga komuna e Gjilanit me vendbanim në Gjermani, Ibrahim Matoshit.
Ai akuzohet për kinse vrasje të qytetarëve serb gjatë luftës në Kosovë.
Por, Ibrahim Matoshi është tërësisht i pastërt në këtë aktakuzë të shpifur.
Ibrahim Matoshi për 20 vite rradhazi ka udhëtuar nga Kosova në Gjermani dhe anasjelltas duke kaluar nëpër Serbi.
Tash pas 20 viteve Serbia e arreston.
Arrestimi i bashkëatdhetarëve tanë është përgjegjësi edhe e institucioneve të Kosovës.
Presidenca, qeveria dhe kuvendi heshtin
Pozita dhe opozita bëjnë gara mes veti se kush duhet të udhëheq dialogun me Serbinë.
Liderët e PAN-it në dhe AKR-së në deti, LDK heshtë, ndërsa VV-ja sulmon policinë e Kosovës duke lënduar rreth 10 policë në aksionin e tyre të sotëm kundër dhunës së grave.
Kjo heshtje dhe mosveprim i institucioneve të Kosovës tregon se qytetarët e Kosovës janë vetëm burim i votës për të ardhur në pushtet.
Turp për juve. Paret, meditjet dhe udhëtimet shumë i dëshironi, por qytetarët e Kosovës nuk po i mbroni./BS
