Opinionisti dhe analisti politik Faik Krasniqi ka thënë se protestat në Kosovë kanë efekt nëse çoheshin 500 mijë njerëz dhe i vërsulen Presidencës, Parlamentit, Qeverisë, Ministrive dhe partive politike, Gjyqësorit dhe Prokurorisë dhe pastaj me i ngre zhag të gjithë ata që e kanë pru Kosovën në këtë derexhe, shkruan gazeta “Bota sot”.
Pas kësaj, Krasniqi thotë se pak do kishte rëndësi se kush vjen në pushtet, pasi që e dinë fare mirë se çka i gjenë.
“Protestat kishin me pas efekt sikur të çoheshin nja 500 mijë njerëz minimum, dhe t'u vërsulen Presidencës, Parlamentit, Qeverisë, Ministrive, partive politike, Gjyqësorit dhe Prokurorisë, duke i nxjerr zhag e për flokësh të gjithë ata që na kanë sjellë në këtë derexhe. Pastaj ka shumë pak rëndësi se kush vjen në pushtet, sepse e dinë fare mirë se çfarë i gjen nëse tallen me popullin. Përndryshe, këta as që mërziten”, shkruan në Facebook, Faik Krasniqi.
