Tahiri: Për veteranët, të hetohet secili - Bota Sot
Tahiri: Për veteranët, të hetohet secili

Aktuale

Tahiri: Për veteranët, të hetohet secili

Më: 22 gusht 2018 Në ora: 22:09
Abelard Tahiri

Është ministër i Drejtësisë, por Abelard Tahiri ka dalë shpesh jashtë kompetencave që ka.

Ndonëse cilësohet si përzierje e pushteteve, ministri i Drejtësisë ka bërë veprime që mund të cilësohen si ndërhyrje në prokurori dhe gjykata. 

Njëjtë veproi kur kërkoi hetim në rastin e listave të veteranëve. 

Por në një intervistë për Frontal, ministri ka thënë se këto bëhen në cilësinë e qytetarit të thjeshtë. 

I pari i drejtësisë në qeverinë e Kosovës mendon që edhe dorëheqja e prokurorit Elez Blakaj tregon brishtësi në sistemin e drejtësisë. Madje ai hap mundësi për dyshime. 

Tahiri bënë të ditur që hetimi për keqpërdoruesit e parasë publike duhet të bëhet me patjetër. Qoftë edhe nëse ai është shefi i tij partiak, Kadri Veseli, i cili është përmendur në një letër të Blakajt. 

E vet shefi i drejtësisë kosovare beson që procesi i listave dhe verifikimit të veteranëve ka përfshirje të njerëzve që, siç thotë ai, bëjnë pjesë në një rrjet kriminal. 

Situata e krijuar sjell nevojën për një proces të Vetingut, të cilën Kosova e kishte në vitin 2010 gjatë kohës së UNMIK'ut, e që sipas Tahirit ky proces duhet të rikthehet, madje shumë shpejt.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...