Prokuroria Speciale komenton shkresën e kryeministrit: Haradinajt nuk i japim llogari - Bota Sot
Prokuroria Speciale komenton shkresën e kryeministrit: Haradinajt nuk i japim llogari

Aktuale

Prokuroria Speciale komenton shkresën e kryeministrit: Haradinajt nuk i japim llogari

Më: 23 gusht 2018 Në ora: 15:35
Prokuroria Speciale

Në një deklaratë prokurori përgjegjës për media në Prokurorinë Speciale të Kosovës, Sylë Hoxha, ka komentuar letrën e bërë publike ku kryeministri Ramush Haradinaj i përcaktonte afatin ligjor në të cilin prokurori Blakaj duhej t’i përfundonte hetimet në çështjen e veteranëve të UÇK-së.

“Na nuk i japim llogari as kryeministrit e asnjë partie politike, por vetëm Këshillit Prokurorial dhe Zyrës së Kryeprokurorit të Shtetit, eprorëve tanë”, deklaroi Hoxha për kallxo.

Megjithatë, prokurori Hoxha refuzoi të komentoi nëse kërkesa e kryeministrit për raport nga prokurori Blakaj është presion ndaj këtij prokurori.

“Jo, jo, unë nuk jam komentues dhe nuk komentoj”, tha Hoxha.

Kryeministri i Kosovës, Ramush Haradinaj, dje në konferencën për media tregoi që ia kishte ofruar të gjithë zyrën e tij ish prokurorit Elez Blakaj për nevoja të hetimit për listat e veteranëve.

Madje këtë Haradinaj e kishte bërë edhe përmes një letre zyrtare të nënshkruar nga vet ai, ku i ofron pa asnjë pengesë qasje në të gjithë në arkivin e zyrës për çështje të kategorive të dala nga lufta e UÇK-së.

Këtë letër, Haradinaj ia kishte dërguar në atë kohë prokurorit Elez Blakaj më 26 shtator të viti 2017, vetëm pak javë pasi që Haradinaj ishte ardhur në krye të Qeverisë.

Haradinaj në letër shkruan se kjo qasje po i jepet prokurorit Blakaj për qëllim të numërimit dhe evidentimit të listave për interes të hetimeve.

Gjithashtu kryeministri e njofton se askush nga zyra e Kryeministrit nuk do të ndërhyjë në procesin e hetimeve.

Hetimet ishin planifikuar të zgjasin 30 ditë, ndërsa pas përfundimit, Kryeministri kishte kërkuar që Prokurori t’ia dorëzojë atij raportin e hetimeve dhe konstatimet e tij.

Gjatë kohës që dy hetuesit kanë qenë në zyrën e arkivave, ajo është pajisur me kamera dhe është ndërruar cilindri i derës së zyrës së Arkivit ku ndodhej dokumentacioni.

Avni Arifi nga zyra e Kryeministrit e ka konfirmuar këtë letër që Haradinaj ia kishte dërguar prokurorit Blakaj.

“Kjo një ditë pas kërkesës së prokurorit për këto shërbime. Kërkund në botë nuk ndodh që Kryeministri krejt kërkesat i plotëson brenda 24 orë”, tha Arifi.

Kërkesa e kryeministrit për të dhënë raport bie ndesh me parimet kushtetuese të pavarësisë së prokurorëve të cilët janë të obliguar që për punën e tyre t’i raportojnë vetëm Këshillit Prokurorial dhe subjekteve të tyre të hetimit dhe atë në fund të procesit hetimor.

Në këtë rast prokurori nuk kishte obligim ta njoftonte kryeministrin Haradinaj për rrjedhën e hetimit të tij e po ashtu rezultatet e hetimeve.

Prokurori Blakaj u largua nga pozita e tij duke shkruar një letër të gjatë publike ku tregonte se ishte nënë presion të gjithanshëm.

Shkresa e Haradinajt tenton ta kufizojë prokurorin edhe në afatet ligjore të hetimit duke nënvizuar se hetimi do të zgjasë vetëm 30 ditë.

Sipas Kodit Penal hetimet e prokurorisë mund të zgjasin deri në 24 muaj dhe vendimet për zgjatjen apo shkurtimin e afateve të hetimit merren vetëm nga gjykata.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...