Analisti politik, Haki Abazi, përmes një postim në facebook, ka komentuar akuzat e Ramush Haradinajt ndaj liderit të Vetëvendosjes, Albin Kurti, të cilin kryeministri e quajti hajn e mashtrues ordiner.
“Akuzat e tuaja kundër Abinit tregojnë pikërisht se çka i ka ndodhur drejtësisë kur asaj i prijnë njerëzit politikë të padijshëm. Edhe sikur të jenë të dijshëm politikanët në shtyllën ekzekutivit e kanë të ndaluar rreptësishtë të flasin për drejtësinë dhe proceset gjyqësore”, shkruan Abazi, përcjellë “Bota sot”.
Ky është postimi i plotë:
Ramush,
Shteti nuk është i exellences tënd, as i Kadri Veselit e ti nuk je ai që bën gjyqin për njerëz. Akuzat e tuaja kundër Abinit tregojnë pikërisht se çka i ka ndodhur drejtësisë kur asaj i prijnë njerëzit politikë të padijshëm. Edhe sikur të jenë të dijshëm politikanët në shtyllën ekzekutivit e kanë të ndaluar rreptësishtë të flasin për drejtësinë dhe proceset gjyqësore.
Ramush bashkë me ata që kanë dalë me bisht nën këmbë nga VV është dashtë me i bë punët e juaja, me siguru liberalizim të vizave që e keni premtu, mos me ju dhënë 53 milionë falas, mos me nenshkru kontrata që e fundosin Kosovën, mos me pranu demarkacion pa korrektim, edhe ai për të cilin po flet ti është dashtë me dalë me fshi bërllokun e Prishtinës së pari, me i ndalë ndërtimin e kriminalizuar, edhe me i dorëzua mandatet e vjedhura me te cilat ti po rri në pushtet bashkë me Kadri Veselin dhe Thaçin përndryshe në Kosovë do të flitej ndryshe dhe jam i bindur që ka me u fol ndryshe shpejt.