Dalin fotografi të reja nga takimi Kurz, Hahn, Thaçi dhe Vuçiq - Bota Sot
Dalin fotografi të reja nga takimi Kurz, Hahn, Thaçi dhe Vuçiq

Aktuale

Dalin fotografi të reja nga takimi Kurz, Hahn, Thaçi dhe Vuçiq

Më: 26 gusht 2018 Në ora: 13:50
Takimi Kurz, Hahn, Thaçi dhe Vuçiq

Presidenti i Kosovës në profilin e tij në Instagram ka postuar disa fotografi të reja nga takimi i përbashkët me kancelarin austriak, Sebastian Kurz, komsionerin e BE-së, Johannes Hahn dhe presidentin serb, Alesaknder Vuçiq.

Në këtë takim sipas komunikatës të Presidencës thuhet se Kancelari austriak, si nikoqir i këtij takimi, theksoi se Austria gjatë udhëheqjes së Presidencës së BE-së, prioritet kryesor do të ketë politikat e zgjerimit dhe të fqinjësisë së mirë, si dhe ato të sigurisë dhe migracionit.

Një çështje tjetër, e cila ishte fokus primar i këtij takimi, ishte edhe procesi i dialogut për normalizimin e marrëdhënieve ndërmjet Kosovës dhe Serbisë, i ndërmjetësuar nga BE-ja.

Lidhur me këtë proces, kancelari Kurtz inkurajoi të dy presidentët për të vazhduar përpjekjet e tyre për të arritur marrëveshje.

“Arritja e marrëveshjes është parakushti kryesor për anëtarësimin e dy shteteve në BE. Austria mbështet dialogun dhe arritjen e marrëveshjes, si dhe integrimin e shteteve të Ballkanit Perëndimor në BE”, theksoi Kurz. Presidenti i Republikës së Kosovës, Hashim Thaçi, i shprehu mirënjohje Austrisë për ndihmën në kuadër të procesit te integrimit në BE dhe arritjes së marrëveshjes eventuale paqësore me Serbinë.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...