Deputeti nga radhët e LDK-së, Armend Zemaj, ka reaguar ndaj deklaratës së kryetarit të Kuvendit Kadri Veseli, i cili ka thënë se thirrja e seancës së jashtëzakonshme nga opozita është absurde, përcjell Bota sot.
Përmes një postimi në llogarinë e tij në Facebook, Zemaj ka thënë se kjo është tregues i frikës së skajshme të humbjes së pushtetit dhe jo përgjegjësi për zhvillimet kontraverse rreth dialogut.
Postimi i tij i plotë:
Kërkesa e LDK-ës, dhe opozites për mbajtjen e seances ku do debatohej dhe njeherit të saktësohet pozicioni i Kosovës mbi pretendimet për shkembim territoresh, për kryetarin e Kuvendit qenka “një veprim absurd dhe krejtësisht i panevojshëm”.!!!
Kjo është tregues i frikes se skajshme të humbjes së pushtetit dhe jo përgjegjësi për zhvillimet kontraverse rrethë dialogut. Nuk mund të thirrëni në ligj dhe kushtetutë me logjiken e monopolit mbi jeten institucionale ne vend. Askush nuk ka të drejtë të anashkaloj rolin dhe mandatin kushtetutes të Kuvendit të Republikës, e me se paku Kryetari dhe Kryesia e saj.
